LEITUGAS E MIRASOLES

 

Para envexa de todos e todas, aquí tedes os nosos últimos produtos da horta:

Os mirasoles que plantaron as nenas e nenos de 4 anos (agardando que logo cheguen as pipas, mmmmmm!) e as leitugas que xa foron transplantadas.

As pequenas e pequenos tamén van á horta!

 

Coa primavera entran ganas de estar na horta, plantar e coidar do plantado. Xa desde moi novos, as nenas e nenos de infantil saen á horta para aprender cos recursos da natureza.

2 de febreiro: Día da Candeloria

Seguimos recollendo neste blog da nosa horta os traballos e talleres sobre a natureza. Con este motivo, o día da Candeloria, tócalle aos nosos paxariños.

Así di o refrán:

Cando a Candeloria chora,

o inverno vai fóra.

Cando a candeloria ri,

o inverno está por vir.

Así estuda o alumnado de E. Infantil o mundo dos paxaros e as aves.

 

NOITES DE XEADA, FONTE CONXELADA

 A fonte da nosa horta ficou conxelada logo das noites frías que viñeron. Aquí podedes ver como está e como desfrutan os máis pequenos.

TALLERES NA HORTA

Onte, venres 28 de febreiro, desenvolvéronse na biblioteca dous talleres co alumnado do primeiro ciclo e cortesía da ANPA do colexio.

Os nenos e nenas de 1º e 2º de Primaria desfrutaron moito coa elaboración de produtos  naturais de uso cotiá: unha crema de Aloe Vera da que levaron mostras para as súas casas, por suposto!

E vinagre aromatizado con especias e herbas aromáticas.

Ademais podedes ver como segue o noso horto  porque regamos os amorodos que medran no horto vertical (e que xa teñen flores).

Observamos os tulipáns, o grelos e os chícharos:

 A próxima semana tocaralle o turno ao alumnado de E. Infantil.

OS MÁIS PEQUENOS NA HORTA

AMORODOS!

Nun horto vertical plantamos amorodos